قصيدة من الشعر المحلي عن عقوق الابناء لامهم
ابكي يا عيني وصبي ويدان**
على لي راحو وخلانا
يا سامح في لميما ڨلبها مصهود**
متبع راي مرتو ناسي الحنانا
سهرت عليك ليالي وناس رڨود**
وشحال هموم ياما رفدت هانا
تسعة اشهر في جسمها مرفود**
وعامين حليب صدرها روانا
يا غالط خير الام ماهو معدود**
طيعها قبل ماتسكن الجبانا
فرحت بزواجك واليوم عنها مفڨود**
داتك عنها ذيك الشيطانا
الخير لي دارتو فيك راهو مجحود**
ولا نساتك فيه هذيك لفلانا
نحكي عنك يا عاصي لميما مڨصود**
فوق لروحك شوفها عنك حيرانا
مرتك امها تضرب عنها البارود**
وامك لايحتها في العزجة والحضانا
الدنيا دلات وتعيا من بيتك مطرود**
وانت مديك حب مولات الخانا
دمعت لميما دربات على لخدود**
وانت ڨاسي مافي ڨلبك حنانا
حاشا بنت الاصل ولي عندها جدود**
ولي تخاف من ربي مولانا
قالت أما وامو منها ماهو مشدود**
عزوجتها معاها عايشا سلطانا
خطينا الاسلام وتبعنا خدمت ليهود**
صمات الدنيا معاد فيها رزانا
الدنيا فانيا وغدوة كامل يكلنا الدود**
ولمخير فينا يدفن بكتانا
كبرت يا لي البارح بين يديها مولود**
لميما ڨالت وليدي راح وخلانا
حسباتك صابة وانت كي العجرود**
ولا كي الطير وانت هامة طيرانا
جمال لمخلطي هو لي ڨال المنشود**
تعبان وهم دنيا ياسر عيانا
بقلم... جمال لمخلطي
Category
Show more
Comments - 0
Related videos for قصيدة عن عقوق الابناء لوالدتهم ..بقلم جمال لمخلطي EUA: